Seoda na Sean - Irish Songs 1650-1850

Seoda na Sean (Jewels of Old) is a rich and evocative collection of traditional Irish songs, including rare and previously unrecorded pieces. The book offers lyrics, translations and illuminating historical context on composers and origins. Accompanied by two CDs featuring heartfelt vocal performances and exquisite instrumental music, this is a beautifully curated tribute to Ireland's musical heritage.

Bailiúchán saibhir, mothálach, d’amhráin thraidisiúnta as Éirinn is ea Seoda na Sean, ina bhfuil roinnt píosaí neamhchoitianta nár taifeadadh roimhe seo. Cuireann an leabhar liricí agus comhthéacs stairiúil ar fáil faoi chumadóirí agus foinsí na n-amhrán. In éineacht le dhá dhlúthcheirnín amhránaíochta agus ceol uirlise, is ómós cuimsitheach álainn é d’oidhreacht cheoil na nGael.

Book and CD contents with audio previews are described here.

.................................................................................................................'Seoid' TRÍONA NÍ SHÍOCHÁIN Ollscoil na Gaillimhe
'Bailiúchán iontach álainn amhrán' PEADAR Ó RIADA
'A little gem! ... Féasta amhrán agus ceoil' ANTAINE Ó FARACHÁIN

Image of front cover and spine of "Seoda na Sean", beautifully designed by Dingle Publishing.

🇮🇪 Shipping within Ireland

🇺🇲 Shipping to USA (USD)

🇬🇧 Shipping to Britain (GBP)

Enquiries: padraig@seodanasean.ie

Seoid is ea an saothar nua so ón Dr. Pádraig Mac Cárthaigh, ina n-éiríonn leis athbheochaint a dhéanamh ar amhráin áille a bhí ligthe i ndearúd i measc amhránaithe na Mumhan le tamall. Tá san curtha ina cheart anois ag Pádraig lena ghlór binn amhránaíochta. Ceiliúradh is ea an saothar so ar thraidisiún cumadóireachta na Mumhan, ar a n-áirítear filí Corcaíocha ar nós Sheáin Uí Choileáin (1754–1817) agus Phádraig Uí Scolaí (1760–1816) ó cheantar Chairbre, agus Mhichíl Óig Uí Longáin (1766–1837) ó Charraig na bhFear, chomh maith le filí móra Muimhneacha eile, mar atá Séafradh Ó Donnchú an Ghleanna (1620–1685), Piaras Mac Gearailt (1709–1791), agus Tadhg Gaelach Ó Súilleabháin (1715–1795). Nach ró-aoibhinn a saothar súd a chlos ar ár gcluasaibh arís anois, agus tá éacht déanta ag an gCárthach! Táimid fé chomaoin ag Pádraig chomh maith as na hamhráin bhreátha as Béarla atá curtha os ár gcomhair aige sa togra so – is táim féinig ana-cheanúil go háirithe ar an leagan anso uaidh de ‘The Wife of the Bold Tenant Farmer’ ó cheantar Chlaich na Caoilthe. Gura fada buan tu a Phádraig, agus gura fada buan na hamhráin bhreátha so uait!

Tríona Ní Shíocháin

_______________________________________________

I saothar seo Phádraig Mhic Cárthaigh tá bailiúchán álainn, iontach amhrán. Ní hamháin focail na n-amhrán atá againn anso ach a stair agus a n-uile eolas eile, bailithe le chéile chun scéal an amhráin féin do thabhairt dúinn slán iomlán. Ní gan dua agus trioblóid mhór é seo ach blianta caite ag Pádraig ag tóch is ag tochailt is ag bailiú eolais ar fuaid deisceart na Mumhan. Is mó bailiúchán curtha ‘dir láimhibh aige. Gan dabht is eolaí le dúil sa mhatamaitic é Pádraig agus ní hionadh mar sin, gach aon Bun Cleite nó Barr Cleite i dtaisce go cruinn agus in órd sa tráchtas breá liteartha seo. Cabhraíonn an leagan amach, na léaráidí áille agus pictiúirí suimiúla leis seo agus iad ag cur lenár dtuiscint agus lenár mothúcháin i leith cúlra na n-amhrán.

Tá meascán deas, leis, ann le hamhráin mhóra i nGaoluinn agus amhráin i mBéarla chomh maith. Samhail iad seo ar chultúr Dhúthaigh Mhúscraighe Uí Fhloinn agus Dhúthaigh Chairbre. Is léir gurb é seo dúchas an Chárthaigh agus é sa bhaile ann.

Tá gasra deas ceoltóirí cruinnithe timpeall air sna taifid a ghabhann leis an mbailiúchán seo. Tá cóiriú ceolmhar déanta acu ar amhránaíocht bhínn Phádraig.

Ní cás, leis, an léiriú is an cló gleoite atá déanta ag na foilsitheoirí Dingle Publishing a mholadh. Seo saothar iomlán agus ní foláir do aon leabharlann le dealramh, príobháideach nó poiblí, é bheith ar foluain ar chlár acu. Molaim go mór an saothar cuíothach seo de chuid Phádraig Mhic Cárthaigh.

Peadar Ó Riada,
Bealtaine 2025

Seoda na Sean will be treasured among traditional singers of Munster. Here Dr. Pádraig Mac Cárthaigh revives songs of great Cork and Munster poets that haven’t been heard in the living tradition for some time, for example, the work of Seán Ó Coileáin (1754–1817) and Pádraig Ó Scolaí (1760–1816) from near Clonakilty, and of Mícheál Óg Ó Longáin from Carrignavar, in County Cork, and other iconic Munster poets such as Séafradh Ó Donnchú an Ghleanna (1620–1685), Piaras Mac Gearailt (1709–1791), and Tadhg Gaelach Ó Súilleabháin (1715–1795). Pádraig has literally breathed new life into this lesser-known, but highly significant, repertoire, and has left his mark therefore on a singing tradition much beloved by him. His collection of English-language songs is equally impressive, and I am particularly taken with his version here of ‘The Wife of the Bold Tenant Farmer’, again from the Clonakilty area. Pádraig’s deep engagement with the singing tradition, and his sheer love for it, can be be felt in every note.

Tríona Ní Shíocháin,
Ollamh Bunaithe le Ceol agus Taibhealaíona /
Established Professor of Music and Performing Arts,
Ollscoil na Gaillimhe / University of Galway

Aibreán 2025

________________________________________________
Seoda na Sean atá ar an saothar seo agus go deimhin fhéin tá seoda go leor ann. Anseo gheobhaidh an t-éisteoir féasta amhrán agus ceoil.

Is é an rud is mó a thaitníonn liom faoin saothar seo Seoda na Sean ná go bhfuil an rud ar fad, idir amhráin agus cheol, chomh pearsanta sin.

Tugann Pádraig Mac Cárthaigh omós ceart do na hamhráin agus do na filí a chum iad. Tá an paisean atá aige do na hamhráin seo le mothú go láidir ann. Tá amhráin atá ligthe i ndearmad tógtha gar dá chroí ag Pádraig Mac Cárthaigh agus cuisle na beatha curtha ag preabadh arís iontu.

Tógann sé muid in éindí leis ar thuras pearsanta. Meallann sé muid isteach ina intinn agus ina chroí fhéin.

Leis an taighde atá déanta aige agus na smaointe a roinneann sé linn, tógann sé muid go domhain isteach ins na hamhráin. Míníonn sé an comhthéacs stairiúil a bhaineann leis na hamhráin agus osclaíonn sé amach dúinn iad.

Is annamh a bhíonn seans mar seo againn na tuiscintí agus na mothúcháin atá ag an amhránaí fhéin faoi na hamhráin a chasann sé/sí a bhlaiseadh.

Is ealaíon phríobháideach í ar deireadh an amhránaíocht cé go léirítear go minic i láthair phoiblí í. Ach ligeann Pádraig isteach muid insan taobh príobháideach leochaileach seo dá shaol agus is rud álainn é sin ann fhéin.

Molaim go mór Pádraig Mac Cárthaigh as Seoda na Sean a thabhairt dúinn. Ní bréag a rá gur saothar fiúntach é.

Ar ndóigh molaim chomh maith na ceoltóirí atá in éindí leis Seamus Sands, Garry Cronin, Colm Murphy, Desy Mc Cabe agus Diarmait Mac Cárthaigh.

Go maire siad ar fad i bhfad inár measc le binneas a gcuid ceoil agus le háillleacht a gcuid amhrán a roinnt linn
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _

The sweetness of the music and the beauty of the songs in this collection Seoda na Sean is exceptional. Everything about it is personal which is in itself a beautiful thing.

A little gem!

Antaine Ó Faracháin,
Aibreán 2025